Abang...
Tung mulak ma jolo ho
Bereng hutanta on
Porsuk parir so tarboto-boto
Dahan huli marlokko-lokko
So hadalan be tahe dago
Abang...
Tung dapothon ahu anggimon
Pasahatonku tuho lungun ni roha on
Tombak haminjon tading-tading inon
Nunga sae dipadosdos beko
Da tading ma holan holso
Molo mamereng tu nadao
Ale Abang...
Tu ise nama mangalu-alu
Namarhuaso songon tukko-tukko
Pajok songoni sambing di tano
So adong lapatanna margogo
Sip do ibana mamereng beko
Mangarjang aek godang
Mamolus tu tombak rea
Manolbak dolok
Pasaehon tombak
Sambor ma napajok
Abang...
Molo tung mago pe ahu marsogot
Jambarhu namai
Hutamonpe gabe mohop
Bagianmu nama i
Naung sahat andung-andunghu
Tu sipareonmi
Abang... tung mulak ma jolo
Tingkir bona ni haminjontai
24 Maret 2010
2 komentar:
aku staf divisi studi advokasi KSPPM, saya mohon anda bersedia kami memuat kembali puisi ini untuk majalah dwi bulanan KSPPM (kelompok Studi pengembangan Prakarsa masyarkat_) parapat. kami lembaga yang melakukan advokasi bersama dengan petani kemenayan di pandumaan sipituhuta. saya aharap saudar bersedia. agar semakin banyak orang batak yang membaca pusini dan menggugah hati serta berempati terhadap kasus-kasus yang dihadapi oleh petani di tahan batak. web kami adalah www.ksppm.or.id. mauliate parjolo
Silahkan. Maaf baru baca.
Posting Komentar