Juljulanku nama langit an
Asa sahat ahu tu na nahuparsinta
Dada naso adong holong tu Amang
Manang holso tu Dainang
Haborhaton on nunga bagian
Pardalanan tu joloan on nunga ditontuhon
Asa muba parngoluan
Jala singkop naniluluan
Borhat ma ahu Amang
Dang lupa ahu di hapeatta i
Nang bona ni tarutung na sabatang i
Tangkas di rohakku do bulu parik i
Borhat ma ahu Inang
Di hokkopanhu do lompa-lompami
Nang aek natio di manogot i
Ido margogoi tondikki
Manopot humaliang parserahani
4 komentar:
Unang lupa tu bonapasogit
godang sipatureon,
angka dakdanak, angka namarbaju, angka doli doli,
paintehon angka pangaranto
mauas diparsiajaran
angka nauli na denggan
lambok niroha, toru ni roha, ido dipangasahon,
angka naserep marroha.
horas, horas, horas
las rohangku manjaha blog mon.
Natinintip sanggar bahen huruhuruan, jolo sinungkun marga asa binoto partuturan. Simangunsong sian dia do hamu lae?
didia hamu magodang.
Ahu Sihombing sian Humbang, magodang di Tarutung
Mauliate di pujian muna i Lae. Salam kenal ma tutu. Ahu Simangunsong sian Pakkat. Tubu jala magodang di Pakkat do ahu.
paulus... hebat juga he....he... nga didia ho saonari.... tumbur marbun
paulus.... mantap juga puisinya ..he...nga boha kabarmu sonari....fr tumbur marbun
Posting Komentar