Pakkat nauli i
Jumpangmu sada binanga
Di dolok digoari Napa
Dungkan toru Sitahuis
Sasintongna marsada do aekna
Alai asa mura manggoari ruasna
Gabe dibahen ma songoni
Sitahuis dohot Napa
Ari Minggu ribur do on
Dung mulak sian gareja
Laho halak manghail mamoluk nang manjala
Gomodangan tahe marlangei
Manimbuk sian bona ni hau
Mamirsaki aekna
Marbubum soarana
Alai balga do biarhu
Di hametmetan holan manonton do ahu
Hundul sambing di topi ni aek
Ala mabiar tu nabagas
Mamoluk mabiar tu ulok
Manjala dang huboto
Manghail mabiar tu gea
Nang pe songoni
Lomo do rohangku tu si
Napa Sitahuis i
1 komentar:
Jago dibaen ho pengalaman na di napa-sitahuis i ba. Gabe taringot iba tikki dakdanak marmeam tusi mulak sian gareja. Jot-jot do hona murukan iba ala paleleng hu marmeam disi, ala jot-jot lupa mulak, sahat di jabu nungga golap ari.
Swandy Sihotang
Jl. R.A. Kartini No.20 Pakkat.
Molo nuaeng di Ciledug do jabutta.
Posting Komentar