Paulus Simangunsong
8 Desember 2021
Sihol rohangku Tuhan
tu holong-Mu mian tampe
di roha ni angka parroha
di horja ni angka parhorja
di bius ni angka bius
di halilu ni angka nalilu
asa hot tondina ganup
tu harajaon-Mu marsomba
Sihol rohangku Tuhan
minar holong-Mu di alaman ni jabukku
gabe pasu-pasu ahu
di angka hombar balokku
Sihol rohangku Tuhan
tiar haroro-Mu di tingki ahu marsolu
manompas alogo laut
mamolus alogo lubis
mardoton di alogo bolon
marumbang-umbang di alogo siluang
menak tonang ahu di angka galumbang
O, hata ni Debata naung gabe manisia
Hotma di tonga ni bangsokku
Asa rimpa hami marsisulu
Pasada roha di engkel nang tarilu
O, hata ni Debata naung gabe jolma
tiop nang tanganhu
asa pos rohangku mangalugahon solu
asa tulus rohangku mardomu
tu nasa namangolu
nang tano
nang tao
